• USD 1,7000 0,00% EUR 2,0193 +0,19%
    • GBP 2,3709 +0,14% RUB 0,0232 +0,43%

Tramp diplomatların azaldılmasına görə Putinə təşəkkür etdi

  • Dünya
  • 11 Avqust 2017 06:28
  • 614 Baxış
Tramp diplomatların azaldılmasına görə Putinə təşəkkür etdi

ABŞ prezidenti Donald Tramp Rusiyadakı diplomatik missiyanın əməkdaşlarının sayının azaldılmasına görə rusiyalı həmkarı Vladimir Putin' minnətdarlığını bildirib.

Publika.az “RİA Novosti”yə istinadən bildirir ki, Tramp bunu Vaşinqtonun xərcləri azaltmaq niyyətində olması ilə əlaqələndirib.

“Putinə minnətdarlığımı bildirmək istərdim, çünki biz heyətlə bağlı xərclərimizi azaltmağa çalışırıq. Mənə gəlincə, onun bu qədər adamı işindən kənarlaşdırmasına şadam, çünki ştat sayı artıq xeyli azalıb. Onların geri qaytarılmasına heç bir səbəb yoxdur”, - deyə D.Tramp bildirib.

Qeyd edək ki, bundan əvvəl Moskva ABŞ-ın Rusiyadakı diplomatik missiyanın əməkdaşlarının sayını 455 nəfərədək azaldılmasına dair göstəriş verib. Bundan başqa, ABŞ səfirliyinə Moskvadakı bağ evindən və anbarlardan istifadəsinə qadağa qoyulub.

V.Putin ABŞ-ın Rusiyadakı diplomatik nümayəndəliklərinin 755 əməkdaşının ixtisar ediləcəyini bildirib. Bu addımlar Konqresin Rusiyaya qarşı sanksiyalar haqqında qanun qəbul etməsinə cavab olaraq atılıb.

Halal Nemət

Xəbər lenti

DAHA ÇOX XƏBƏR