Dünya

"Damri" 44 can aldı

6 Noyabr 2017 12:09

Vyetnamın mərkəzi rayonlarını cənginə almış "Damri" tufanının qurbanları üç gün ərzində 44 nəfərə çatıb və itkin düşmüş daha 19 nəfərdən xəbər yoxdur.

Publika.az bildirir ki, bu barədə yerli “Tin Tuc” nəşri məlumat yayıb.

Ölkənin təbii fəlakətlərin nəticələri ilə mübarizə üzrə milli koordinasiya şurasının məlumatlarına əsasən, güclü leysanlar nəticəsində yaranmış daşqınlara görə, 40 mindən çox yaşayış evi su altında qalıb. Təxminən 30 min insan öz evlərini tərk etməyə məcbur olub. Bir sıra rayonlar elektrik qüvvəsi təchizatından məhrum olub.

Həmçinin 40 min hektar kənd təsərrüfatı sahəsi, ölkənin şimal və cənubunu birləşdirən dəmir yolu xətti və avtomagistral da suyun altında qalıb.

"Damri" son 20 il ərzində ölkədə ən genişmiqyaslı təbii fəlakət hesab edilir.

Zaur H.