217 nəfərin öldüyü qəzadan tək sağ qalan şəxs necə prezident oldu?

Misir prezidenti Əbdülfəttah Sisinin keçmişində baş verən dəhşətli hadisənin detalları ortaya çıxıb.

Publika.az xəbər verir ki, 1999-cu ildə ABŞ-ın Nyu York şəhərindən Qahirəyə uçan “Misir Hava Yolları”na aid B767 tipli təyyarə havaya qalxdıqdan 40 sonra qəza keçirib.

Təyyarədə 217 nəfər olub və onların hamısı hadisə nəticəsində ölüb. Hadisə isə şübhəli bir qəza kimi arxivlərə keçib. FTB və misirli şəxslər də qəzanın əsl səbəbini açıqlamayıb. Bəzi mənbələr hadisəyə səbəb kimi ikinci pilotun intiharını, digərlərində isə texniki qəzanı göstərib. Ərəb mənbələrində isə təyyarənin raketlə vurulduğu göstərilib.

Lakin gerçək səbəblər daha fərqli olub. Həmin təyyarəyə minməkdən son anda imtina edən daha bir sərnişin olduğu bildirilib. O da bu gün Misir prezidenti postunda əyləşən Əbdülfəttah Sisidir.

Ə.Sisi 1999-cu ildə 50 əsgər yoldaşı ilə birgə ABŞ-a gedib. Geridönüş zamanı çox önəmli bir işinin çıxdığını deyib və buna görə təyyarəyə minməyib. Digər yoldaşları isə təyyarəyə minərək Qahirəyə yola düşüb. Onların yanında 3 nüvə alimi də olub.

Ə.Sisi həmin hadisədən 14 il sonra hərbi çevriliş edərək Misirin prezidenti postuna gəlib. Bu çevrilişin ən böyük dəstəkçisinin isə ABŞ olduğu bildirilir.

Zümrüd