Dünya

ABŞ ordusu 70 il sonra o qərarı verdi

30 İyun 2018 09:42

Cənubi Koreyada yeni hərbi qərargah quran ABŞ paytaxt Seulda 70 illik hərbi varlığını rəsmən sonlandırıb.

Publika.az xəbər verir ki, yeni qərargaha köçmək qərarı Şimali Koreya ilə Koreya yarımadasındakı gərginliyi azaldan razılaşmadan sonra verilsə də, əslində, çox daha əvvəl planlaşdırılmışdı.

ABŞ qoşunları İkinci Dünya müharibəsi başa çatdıqdan sonra Seulun mərkəzində Yongsan şəhərində yerləşdiriliblər. ABŞ-Cənubi Koreya ittifaqının simvolu olan Yongsan qərargahı şəxsi mülkiyyət daxilində idi. Və bu, uzun müddətdir müzakirə edilirdi.

Köhnə qərargahın ərazisi isə Cənubi Koreyaya geri veriləcək. Həmin ərazinin "Seul Mərkəzi Parkı" olması tələb olunur.