Dünya

Baş nazir istirahətini yarımçıq qoyub geri qayıdır: "Ölkənin çətin günündə..."

20 Dekabr 2019 15:13

Avstraliyanın Yeni Cənubi Qallar əyalətində meşə yanğınları tüğyan edir.

Publika.az xəbər verir ki, bir çox nöqtədə başlayan yanğının qarşısını almağa çalışan 2 yanğınsöndürən həlak olub. 3 nəfər isə yaralanıb.

Əyalətin Baş naziri Qladis Berciklian yanğınsöndürənlərin Sidneyin cənub-qərbindəki fəlakətdən sonra ağacların aşması nəticəsində öldüyünü açıqlayıb.

Baş nazir Skott Morrison isə Havaydakı tətilini yarımçıq qoyub ölkəyə qayıdacağını deyib: "Avstraliyanın çətin günündə istirahət götürdüyüm üçün üzgünəm".

Qeyd edək ki, avqust ayından bəri başlayan yanğınlarda 3 milyon hektar ərazi yanıb. 700-dən çox ev külə dönüb və 6 nəfər ölüb. Bölgədə havanın temperaturunun yüksək olması və dumanın havanı çirkləndirməsi səbəbi ilə vətəndaşlar çətin günlər yaşayır.

Zümrüd