Səfir: ABŞ və Türkiyə həmişə birlikdə olacaq

Rusiyanın hərəkətləri təkcə Ukrayna üçün deyil, həm də Avropa, Türkiyə və beynəlxalq qaydalara əsaslanan nizam üçün təhlükədir.

Publika.az xəbər verir ki, bu barədə Amerika Birləşmiş Ştatlarının (ABŞ) Türkiyədəki səfir Cefri Fleyk deyib.

O qeyd edib ki, ABŞ Avropanın birliyini, transatlantik əlaqələrin və demokratik dövlətlərin, institutların möhkəmləndirilməsində müttəfiqlərinin yanındadır: “ABŞ və Türkiyə Ukraynanın suverenliyini və ərazi bütövlüyünü dəstəkləməkdə qərarlıdır. Müttəfiqlərimiz və tərəfdaşlarımızla birlikdə biz Ukraynaya Rusiyanın ola biləcək təcavüzündən özünü müdafiə etmək səylərində kömək edəcəyik. Biz Türkiyənin bu böhrana diplomatik həll yolu tapmaqda qətiyyətini və səylərini, həmçinin, NATO-nun böhrana nümayiş etdirdiyi reaksiyaya verdiyi dəstəyi alqışlayırıq”.

Səfır əlavə edib ki, ABŞ və Türkiyə NATO müttəfiqləri kimi hər zaman yan-yana olacaq, dünyanın üzləşdiyi çətin problemlərinin öhdəsindən gəlmək üçün dialoq və diplomatiya yolu ilə getməyə davam edəcək.