Dünya

Rusiya Kiyevi yenidən atəşə tutdu: ölən və xəsarət alanlar var - YENİLƏNDİ

18 Mart 2022 12:34

Bu gün səhər saatlarında Kiyevə raket hücumu nəticəsində 1 nəfər həlak olub.

Publika.az xəbər verir ki, bu barədə Ukraynanın Fövqəladə Hallar üzrə Dövlət Xidməti məlumat yayıb.

“Martın 18-də saat 08:04-də (Bakı vaxtı ilə 10:04) 101-ci Xilasetmə Xidmətinə paytaxtın Podilski rayonunda 5 mərtəbəli yaşayış binasında yanğın baş verməsi barədə məlumat daxil olub. Dərhal hadisə yerinə ən yaxın yanğınsöndürmə və xilasedicilər gəlib. Yanğının qarşısı alınıb. İlkin məlumata görə, 1 nəfər ölüb, 4 nəfər xəsarət alıb, 12 nəfər xilas edilib, ərazidən isə 98 nəfər təxliyə edilib. Məlumat dəqiqləşdirilir”, - məlumatda deyilir.

xxx

Rusiya Silahlı Qüvvələri Ukraynanın paytaxtı Kiyevin Podolsk rayonundakı yaşayış məntəqələrini atəşə tutub.

Publika.az xəbər verir ki, bu barədə Kiyev Şəhər Administrasiyasının mətbuat xidməti məlumat yayıb.

“Artıq hadisə yerində xilasedicilər və tibb işçiləri fəaliyyət göstərir. Yaşayış binalarının dağıntı xarakteri, miqdarı və zərərçəkmişlərin sayı dəqiqləşdirilir” - məlumatda deyilir.