Ermənilər etiraf etdi: “Qırx dörd ştatın qərarı da heç nəyi dəyişdirməyəcək”

“ABŞ-ın 44 ştatı da Dağlıq Qarabağın müstəqilliyini tanısa, bu hüququ cəhətdən heç nəyi dəyişməyəcək”.

Publika.az xəbər verir ki, bu sözləri Qafqaz İnstitutunun direktoru, erməni politoloq Aleksandr İskəndəryan ABŞ-ın Kaliforniya ştatının Senatı tərəfindən qondarma “Dağlıq Qarabağ Respublikası”nın müstəqilliyinin tanınmasına münasibət bildirərkən deyib.

O, Kaliforniya ştatının tanınma qərarının heç bir hüquqi əsasının olmadığını bildirib.

“ABŞ konstitusiyasında belə bir müstəsna hüquq yoxdur. Bu, sadəcə olaraq, erməni lobbisinin Kaliforniyada güclü olmasından qaynaqlanan qərardır. Hətta ABŞ-ın 44 ştat belə bu qərarı qəbul etsə, yenə də heç nə dəyişməyəcək”, - deyə erməni politoloq etiraf edib.

Qeyd edək ki, ermənilər Kaliforniya ştatının bu qərəzli, ədalətsiz qərarından çox ruhlanmışdılar. Lakin özlərinin də etiraf etdiyi kimi, burada əsas rolu erməni lobbisi oynayır və Kaliforniya Senatının qəbul etdiyi qərar hüququ müstəvidə heç nəyi dəyişdirmir. ABŞ Minsk qrupunun həmsədr ölkəsi kimi Azərbaycanın ərazi bütövlüyün tanıyır.

Azərbaycan Xarici İşlər Nazirliyi isə sözügedən qərarın adi kağız parçasından başqa bir şey olmadığını bəyan edib.

Asif