NASA Aya buraxılışı yenə təxirə saldı

Sentyabrın 27-nə planlaşdırılan “Orion” kosmik gəmisi ilə birlikdə “Space Launch System” daşıyıcı aparatının Aya buraxılışı qeyri-müəyyən müddətə təxirə salınıb.

Publika.az xəbər verir ki, bu barədə ABŞ Milli Aeronavtika və Kosmik Tədqiqatlar İdarəsi (NASA) məlumat yayıb.

Başlama tarixi hava şəraitinə görə dəyişdirilib. Milli Qasırğa Mərkəzinin və ABŞ Kosmik Qüvvələrinin məlumatına görə, orbitin buraxılması nəzərdə tutulan Florida tezliklə İan tropik qasırğasına məruz qalacaq.

NASA artıq avqustun 29-u və sentyabrın 3-də Orionu kosmosa çıxarmağa cəhd edib. Hər iki missiya raketə yanacaq doldurarkən hidrogen sızmasının aşkarlanması səbəbindən ləğv edilib.

NASA 2019-cu ildə "Artemida" proqramı layihəsini açıqlayıb. Üç mərhələdən ibarətdir. Bunlardan birincisi "Orionun" Ay ətrafında pilotsuz uçuşu və onun Yerə qayıtmasını əhatə edir.

İkinci mərhələ göyərtəsində ekipajla birlikdə Yerin təbii peyki ətrafında uçuşdur. Üçüncü mərhələ 2024-cü ildə astronavtların Aya enişini nəzərdə tutur, sonra isə onların 2030-cu ilə qədər Marsa göndərilməsi planlaşdırılırdı.

Hüseyn İbadlı