NATO "xeyir-dua" verdi: Rusiya şəhərlərinə hücum Ukraynanın haqqıdır
Bizi izləyin
Aptekonline

Dünya

NATO "xeyir-dua" verdi: Rusiya şəhərlərinə hücum Ukraynanın haqqıdır

Ukraynanın Rusiya ərazisinə mümkün hücumları ilə bağlı NATO-nun mövqeyi dəyişməzdir, çünki Kiyev özünü müdafiə etmək hüququna malikdir.

Publika.az "RİA Novosti"yə istinadən xəbər verir ki, bunu NATO-nun baş katibi Yens Stoltenberq deyib.

Şimali Atlantika Alyansının rəhbəri qeyd edib ki, Ukraynaya dəstək lazım olduğu qədər davam edəcək. “Lakin bu, NATO-nu münaqişənin bir hissəsi etmir. Bu, bizim qərarımız idi: münaqişənin tərəfinə çevrilmədən Ukraynanı dəstəkləmək”, - o vurğulayıb.

Baş katib qeyd edib ki, alyansın Ukrayna böhranında iki mühüm vəzifəsi var: Ukraynanı dəstəkləmək və bu münaqişənin ölkədən kənarda yayılmasına qarşı mübarizə.

Bundan əvvəl Ağ Evin strateji kommunikasiyalar üzrə koordinatoru Con Kirbi ABŞ-ın Ukraynanın Rusiya ərazisinə zərbə endirməsinə qarşı olduğunu bildirmişdi. O, həmçinin Ukraynada münaqişənin artıq gərginləşdiyi barədə ümumi anlaşmaya ümid etdiyini vurğulayıb.

Mehti Kamiloğlu

Oxumağa davam et
Reklam
Reklam

Gündəm

Aptekonline