Avropadan Ermənistanın hərbi yardım təklifinə rədd cavabı
Bizi izləyin
Kanon

Dünya

Avropadan Ermənistanın hərbi yardım təklifinə rədd cavabı

Avropa İttifaqı (Aİ) Ermənistana hərbi yardım göstərməkdən imtina edib.

Publika.az xəbər verir ki, bu barədə Ermənistan parlamentinin sədri Alen Simonyan deyib.

O, Polşaya səfəri zamanı prezident Andjey Duda ilə görüşdə Avropa İttifaqının qərarından şikayət edib.

Erməni spiker bildirib ki, Ermənistan hökuməti, inkişaf etməkdə olan ölkələrə hərbi texnika almağa kömək etmək üçün Aİ-nin 2021-ci ildə yaratdığı Avropa Sülh Fondundan (EPF) “texniki yardım” istəyib.

“Təəssüf ki, Avropa İttifaqının Ermənistanla Azərbaycan arasında münasibətləri yaxşılaşdırmaq üçün vasitəçilik səyləri göstərməsi, habelə “münaqişə həssaslığı” məsələsi əsas gətirilərək Ermənistanın müraciəti rədd edilib”, - Simonyan deyib.

O, sözügedən qərarın Ermənistanda etirazlara səbəb olduğunu diqqətə çatdırıb.

Oxumağa davam et
Reklam
Reklam

Gündəm

Kanon