“Qanuni oğrular” Ukrayna biznesini nəzarətə almağa çalışırlar” – Kiyevdən yeni müharibə anonsu

Ukrayna Daxili İşlər Nazirliyinin tədqiqatçıları “qanuni oğru”ların Kiyevin mərkəzindəki bir mehmanxanada keçirilən yığıncağına mane olub.

Publika.az-ın Ukrayna mediasına istinadən verdiyi məlumata görə, bu barədə Ukrayna daxili işlər naziri Arsen Avakov “Facebook” səhifəsində yazıb.

A.Avakov qeyd edib ki, şam yeməyində bir araya gələn üç “qanuni oğru” saxlanılıb. Nazirin sözlərinə görə, "qanuni oğru”lar Ukraynada nüfuz sahələrinin yenidən bölüşdürülməsi məsələlərini həll etməyə çalışırdılar.

Həbs olunanlar Kutaisinin 38 yaşlı sakini “Vatiya” ləqəbili “qanuni oğru”, "Batumi Lavasoqli" ləqəbi 33 yaşlı "qanuni oğru" və “Suxumi” qruplaşmasının nümayəndəsi 43 yaşlı “Quqa” ləqəbli “qanuni oğru”dur. Batumi Lavasoqli" il yarım ərzində Ukrayna ərazisində 4 dəfə saxlanılıb. Məlumata görə, “qanuni oğru”ların Kiyevdə keçirdiyi toplantıda kömürün çatdırılması, Ukraynada sərnişin daşınmaları və kəhrəbanın qeyri-qanuni ölkədən çıxarılması sahələrində nüfuz dairəsinin bölüşdürülməsi xüsusi müzakirə mövzusu olub.

“Onlar hazırda reallaşdırılan xarici təcavüzdən istifadə etməklə Ukrayna biznesini kriminal nəzarəti altına almağa çalışırlar. Amma biz kriminal qruplaşmaların nümayəndələrini deportasiya edirik. Ukrayna hakimiyyəti “qanuni oğru”ların nəzarətində olmayacaq. Bu, yeni bir müharibədir və bizdə qələbə üçün kifayət qədər güc var”,- deyə Ukrayna daxili işlər naziri qeyd edib.

Ömər Dağlı