Aİ və Britaniya gənclər üçün danışıqlara başlayır

Avropa İttifaqı (Aİ) və Böyük Britaniya gənc əhalinin təhsil, məşğulluq və yaşayış imkanlarını artırmaq üçün araşdırmaya başlayıb.

Publika.az xəbər verir ki, komissiya Aİ Şurasına təqdim edilib. İngiltərə “Brexit”dən sonra azalan Aİ ölkələrində gənclər arasında mobilliyin artırılması üçün Avropa İttifaqı ilə danışıqlara başlamağı təklif edib.

Təklif Şura tərəfindən qəbul edilərsə, komissiya Böyük Britaniya ilə gənclərin mobilliyi üzrə danışıqlara başlamaq səlahiyyətinə malik olacaq.

Beləliklə, Aİ ölkələrində gənclərin Böyük Britaniyada təhsil, iş və yaşayış hüquqlarına, Britaniyadakı gənclərin isə Aİ-də təhsil, iş və yaşayış hüququna malik olması daha asan olacaq.

Təklif olunan razılaşmaya əsasən, 18-30 yaş arası Aİ və Böyük Britaniya vətəndaşları təyinat ölkədə 4 ilə qədər qala biləcəklər.

Aİ-nin Brüsseldə keçirilən iki günlük sammitinin sonunda mətbuata açıqlama verən Aİ Komissiyasının sədri Ursula fon der Leyen deyib ki, Brexitdən sonra Böyük Britaniya ilə işləyə biləcəyimiz bir çox sahə var: "Gənclərin mobilliyi məsələsi həm Aİ, həm də Britaniyanın maraqlarına cavab verir".

Aysel Şahmar