Rusiyanın Böyük Britaniya hədəsi: İki həftəyə məhv edə bilər

Rusiya Silahlı Qüvvələri Britaniyanın tank qüvvələrini 14 gün ərzində tamamilə məhv edə bilər.

Publika.az xəbər verir ki, bu barədə "The Telegraph"da dərc olunan müəllif yazısında qeyd edilir.

Məqalədə təqaüddə olan polkovnik-leytenant Stüart Krouforddan sitat gətirilərək bildirilir ki, o, Birləşmiş Ştatların artıq Britaniyanı “birinci dərəcəli hərbi güc” hesab etməməsinə təəccüblənmir.

“Birinci səviyyə”yə əməl edilməməsinə misal olaraq, polkovnik-leytenant bu günə qədər Böyük Britaniyanın Kiyevi silahla təmin etmək üçün arsenalını tükətdiyini və eyni zamanda, yalnız 148 “Challenger 3” tankı almağı planlaşdırdığını göstərib. Bu rəqəmi "qorxunc dərəcədə kiçik" adlandırıb və xatırladıb ki, "bir müddət əvvəl" - Soyuq Müharibə zamanı - Britaniya Ordusunun Kral Zirehli Korpusu təxminən 900 tankdan ibarət idi.

Krouford bildirib ki, Rusiya ilə müharibədə "biabırçı dərəcədə kiçik tank donanması" iki həftə ərzində məhv ediləcək.

"Ukraynadakı hazırkı münaqişədən bir dərs çıxarmaq lazımdırsa, təbii ki, 148 tank kifayət etməyəcək", - polkovnik-leytenant deyib.

Adəm Abbaslı