Dünya

Zelenski: Dünya Rusiyanı Sülh Sammitində görmək istəyirsə...

1 Avqust 2024 06:46

Əksər dünya ölkələri Rusiyanın ikinci Sülh Sammitində iştirakını istəyirsə, Ukrayna bu təşəbbüsə qarşı çıxa bilməz.

Publika.az xəbər verir ki, bu barədə Ukrayna Prezidenti Volodimir Zelenski Fransa mətbuatına müsahibəsində deyib.

"Bu gün dünyanın əksəriyyəti deyir ki, ikinci Sammitdə Rusiya nümayəndələri olmalıdır, əks halda güclü nəticələr əldə edə bilmərik. Çünki Rusiya Ukraynaya qarşı döyüşür və bu müharibənin tərəfləri bunlardır və ona görə də bütün dünyanın ikinci Sammitdə Rusiya nümayəndələrinin olmasına ehtiyacı var”, – Ukrayna lideri söyləyib.

Zelenski xatırladıb ki, Ukrayna sülh formulu əsasında plan formalaşdırmağa hazırlaşır. Prezidentin sözlərinə görə, o, diplomatlara sənədi noyabrda hazırlamağı tapşırıb. Tərəfdaşlara da müvafiq xahişlə müraciət edilib.

Dövlət başçısı vurğulayıb ki, sülh planı Ukraynanın suverenliyini, ərazi bütövlüyünü və s. məsələləri əhatə edəcək.