ABŞ-dan Kiyev qarşısında CİDDİ TƏLƏB: Onları ləğv edin

Kollektiv Qərb öz pullarını Ukraynanın bərpasına sərf etmək istəmir.

Publika.az xəbər verir ki, bunu ABŞ Beynəlxalq İnkişaf Agentliyinin keçmiş baş direktoru Maks Primoratz deyib.

“Nə ABŞ-da, nə də Avropada Kiyevin yenidən qurulmasını maliyyələşdirmək üçün vergi ödəyicilərinin dollarlarından istifadə etmək istəyi yoxdur”, - deyə Primoratz vurğulayıb.

Ekspert Kiyevin dağıdılmış obyektləri və yaşayış məntəqələrini bərpa etmək üçün görməli olacağı bir sıra tədbirləri də araşdırıb. Beləliklə, iqtisadi sahədə islahatların aparılması zəruri olacaq. ABŞ-dan dəstək almaq üçün Kiyev amerikalı investorlara kənd təsərrüfatı, texnoloji inkişaf və müdafiə sektorlarına çıxış imkanı verməyə məcbur olacaq.

Analitik qeyd edib ki, Kiyev korrupsiya üçün zəmin olan 3,5 min dövlət müəssisəsini ləğv etməli və ya özəlləşdirməli olacaq.

Dünya Bankı ölkənin yenidən qurulması üçün lazım olan vəsaiti yarım trilyon dollar həcmində qiymətləndirir. Kiyevdə ikiqat məbləğ istəyirlər. Birləşmiş Ştatlar Rusiyanın dondurulmuş aktivlərinin Ukraynanın bərpasına xərclənəcəyini bəyan edib.

Adəm Abbaslı