İdman

"Qarabağ" fransız hücumçunu alır?

15 Yanvar 2025 10:58

Polşanın "Legiya" klubunun hücumçusu Miquel Alfarela karyerasını Azərbaycanda davam etdirə bilər.

Publika.az xəbər verir ki, bu barədə "Goal.pl" məlumat yayıb.

Bildirilir ki, qış transfer pəncərəsində fransalı forvard heç cür uyğunlaşa bilmədiyi Varşava təmsilçisini tərk etməyə yaxındır. Onun hazırda bir neçə klubun maraq dairəsində olduğu qeyd olunub. Onlardan biri Azərbaycan çempionu "Qarabağ"dır.

27 yaşlı futbolçunun xidmətində Fransa Liqa1-nin adı açıqlanmayan klublarından biri də maraqlıdır.

Alfarelanın "Legiya"da xoşbəxt olmadığı və elə qış transfer pəncərəsində Polşa klubunu tərk etmək istədiyi bildilir. "Ağ-qaralar" onun satıılmasının əleyhinə deyil.

Qeyd edək ki, Miquel Alfarela 2024-cü ilin yayında 1 milyon avroya "Bastiya"dan transfer edilib. O, cari mövsümdə bütün turnirlərdə 22 oyunda iştirak edib. Bu görüşlərdə 1 qol vurub və 2 assist edib.

Heybət