Sosial media üçün yeni qanun: bu şəxslər cərimə ödəyəcəklər

Avstraliya hökuməti sosial media platformalarında dezinformasiyanın qarşısını almaq üçün yeni qanun hazırlayıb.

Publika.az xəbər verir ki, hökumət sosial media şirkətlərinin yalan məlumat və xəbərlərin yayılmasına imkan verdiyini bildirir.

Əgər qərar qəbul olunarsa, yalan məlumatların yayılmasının qarşısı daha tez alınacaq. Rəqəmsal platformalar saxta xəbərlərin yayılmasının qarşısını ala bilməsələr, qlobal dövriyyələrinin 5 faizi həcmində cərimə ödəyəcəklər.

Sosial media şirkətləri bu qanun layihəsinin fikir azadlığına zidd olduğunu bəyan ediblər. Hətta “X”-in rəhbəri İlon Mask da Avstraliya hökumətinə sərt reaksiya verib və onu "faşist" adlandırıb.

Avstraliya Nümayəndələr Palatasının üzvü Stiven Cons Maska belə cavab verib: “İnana bilmirəm ki, İlon Mask və ya başqası hər il avstraliyalıların milyardlarla dollarını soyaraq ifadə azadlığı adı altında sosial media platformalarında saxta məzmun yerləşdirməyin düzgün olduğunu düşünür”.

Bundan əlavə, sosial media nəhəngləri və axtarış sistemləri də medianın reklam gəlirlərini darmadağın edir, bununla da jurnalistikaya son qoyulur.

Roza Şəfiyeva