Dünya

Amazonda yerli əhali qırıla bilər: Yanğınlar insanları boğur

3 Oktyabr 2024 19:45

Amazonda yanğınlar davam edərsə, yerli əhali ciddi fəlakətlə üzləşə, hətta böyük bir qismi ölə bilər.

Publika.az xəbər verir ki, bunu BBC-yə yanğınsöndürmə xidmətinin rəhbəri Raimundinha Rodrigues da Souza deyib.

O, əhalinin torpaqlarını konstitusiya ilə qorunmalı olduğunu qeyd edib. Bildirib ki, alov bitkiləri məhv edir və insanlar tüstüdən nəfəs ala bilmir.

Qeyd edək ki, Amazon ciddi meşə yanğınları ilə üzləşib. 62 min kvadratmetrdən çox ərazi yanıb. Bölgənin meşələrinin dünyadakı karbonun böyük hissəsini udduğu bilinir, lakin yanğınlar təbii çuxurları məhv edir.

Bu arada, əksər meşə sahələrinin ağac kəsənlər, mədənçilər və fermerlər tərəfindən qanunsuz olaraq yandırıldığı aşkar edilib.

Bölgədəki sakinlər də quraqlığın təsirləri ilə üzləşir. Su çatışmazlığı yaranır və ərzaq qıtlığına səbəb olur. Yerli sakinlər bunun indiyə qədər gördükləri ən pis quraqlıq olduğunu deyirlər.

Adəm