Sənət əsəri olduğunu bilmədi: Zibil qutusuna atdı
Bizi izləyin
Kanon

Dünya

Sənət əsəri olduğunu bilmədi: Zibil qutusuna atdı

Niderlanddakı LAM muzeyində bir işçi fransız rəssamı Aleksandr Lavetin "All The Good Times We Spent Together" əsərini səhvən zibil qutusuna atıb.

Publika.az xəbər verir ki, işçi ilk baxışdan əzilmiş kimi görünən bu içki qablarının əslində sənət əsəri olduğunun fərqinə varmayıb.

LAM muzeyi bildirib ki, qutular diqqətlə akril boya ilə əllə rənglənib və böyük zəhmət sərf olunub. Lakin muzeyin liftində nümayiş etdirilən bu əsər yeni işçi tərəfindən təsadüfən atılıb.

Muzeyin sözçüsü Froukje Buddinq bildirib ki, əsərlər çox vaxt ziyarətçilərin fərqli prizmadan baxması üçün qeyri-adi yerlərdə sərgilənir. O, işçinin heç bir pis niyyətinin olmadığını, onun sadəcə öz işini gördüyünü qeyd edib.

Kurator Elisah van den Bergh tətildən qayıdanda qutuların itdiyini görüb və onları vaxtında zibil qutusundan çıxararaq xilas edib. Əsər indi daha ənənəvi nümayiş sahəsi olan hissəyə yerləşdirilib.

Roza

Oxumağa davam et
Reklam
Reklam

Gündəm

Kanon