Suriyadakı dəyişiklik Afinanı qorxutdu

Suriyada baş verən hadisələr Yunanıstanın paytaxtı Afinada böyük narahatlıqla izlənilir. Bu narahatlıq Türkiyənin beynəlxalq aləmdə əhəmiyyətinin artması ehtimalından və dəniz yurisdiksiyası ərazilərinin müəyyənləşdirilməsi ilə bağlı Suriyada qurulacaq hökumətlə müqavilə imzalanması ehtimalından qaynaqlanır.

Publika.az xəbər verir ki, Türkiyənin Suriyada baş verə biləcək inkişafdan faydalanacağı dəqiqdir.

Qeyd edək ki, hazırda Türkiyə ilə Suriya arasında dəniz yurisdiksiyası ərazilərinin müəyyənləşdirilməsi ilə bağlı müqavilənin imzalanmasından sonra nələrin baş verəcəyi müzakirə olunur. Hətta Yunan mətbuatında bununla bağlı xəritələr dolaşmaqdadır.

Baş nazir Kiriakos Mitsotakis Afinada qatıldığı konfransda Suriyadakı hadisələrin Türkiyənin rolunu nə dərəcədə gücləndirdiyi sualından yayınmağa çalışsa da, indidən proqnozlar vermənin tez olacağını bildirib. Ankara ilə yeni administrasiyanın imzaladığı mümkün razılaşma Afinada Yunanıstan üçün ciddi problem kimi qiymətləndirilir.

Aysel Şahmar