MDB

Əsədin Rusiyaya tonlarla pul göndərməsi xəbərinə Moskvadan reaksiya: Qalan hər şey ardınca gələcək

16 Dekabr 2024 15:06

Rusiya Federasiya Şurasının Beynəlxalq Əlaqələr Komitəsinin sədri Qriqori Karasin “Financial Times”ın Bəşər Əsədin hakimiyyətdə olduğu 2018-2019-cu illərdə Moskvaya milyonlarla dollar nağd pul daşıyan bir neçə təyyarə göndərməsi ilə bağlı xəbərləri ilə bağlı diqqətli olmağa çağırıb.

Publika.az xəbər verir ki, senator Lenta.ru ilə söhbətində fikirlərini bölüşüb.

“Məncə, bunun “Financial Times”da dərc olunması onu manipulyasiya etmək, müvafiq qiymətləndirmələr, müvafiq şərhlər vermək üçün media məkanına sərfəli versiyanın daxil edilməsi üzrə klassik əməliyyatdır. Qalan hər şey ardınca gələcək. Gəlin görək bu məlumat nə dərəcədə doğrudur və niyə indi yayılıb”, - deyə Karasin deyib.

Senator bildirib ki, nəşrin bu iddiası birbaşa Əsədə və Moskvaya qarşı yönələ bilər.

“Burada tədbirlər kompleksini şərh etmək olar. Ancaq hələlik biz ona] çox diqqətlə yanaşmalıyıq”, - deyə o yekunlaşdırıb.

Tural