Dünya

Qaradərililər mitinqə çıxdı - "Putin, bizi xilas et"

6 Dekabr 2014 10:11

Haiti respublikasının paytaxtı Port-o-Prens-də hökumətə qarşı mitinqlər keçirilir.

Publika.az “BBC News” agentliyinə istinadən xəbər verir ki, etirazçılar hazırkı prezident Mişeil Martellinin istefasını tələb edirlər. Mitinq iştirakçıları həmçinin baş nazir Loran Lomotanın da getməsini tələb edirlər. Haiti müxalifəti deyir ki, əgər Amerika Birləşmiş Ştatları prezidenti və baş naziri dəstəkləməsə, ölkədə hakimiyyət çoxdan dəyişmişdi.

Bu səbəbdən etirazçılar əllərində Rusiya prezidenti Vladimir Putinin şəkli əks edilmiş plakatlar tutublar. Onlar hesab edir ki, Putin ədalətli siyasətçidir və ABŞ hegemonluğuna son qoya bilər.

Aksiyalar zamanı etirazçılar polisə daş və taxta parçaları atıblar. Cavabında mitinqçilərə qarşı gözyaşardıcı qazdan istifadə edilib.

Etirazçılardan 100 nəfəri prezident sarayınadək irəliləyə bilib. Lakin polis onları dayandıra bilib.

İlqar