İrandan Səudiyyə Ərəbistanına nota: Bu məsələ iki ölkə arasında böhran yaratdı

Səudiyyə Ərəbistanının 6 İran vətəndaşının narkotik alverinə görə edam edildiyini açıqlamasından sonra Ər-Riyad-Tehran xəttində yeni böhran yaranıb.

Publika.az xəbər verir ki, Səudiyyə Ərəbistanı Daxili İşlər Nazirliyi 6 İran vətəndaşının əvvəllər ölkəyə qaçaqmalçılıq yolu ilə marixuana gətirdiyinə görə edam cəzasına məhkum edildiyini açıqlayıb.

Edamların nə vaxt həyata keçirildiyi barədə isə məlumat verilməyib.

İran Xarici İşlər Nazirliyi Səudiyyə Ərəbistanının Tehrandakı səfiri Abdullah bin Səud Əl-Ənzini edamlara qəti etiraz etmək üçün nazirliyə çağırıb.

İran Xarici İşlər Nazirliyinin Konsulluq İşləri İdarəsinin baş direktoru Kərimi Şasati Əl-Ənzini ilə görüşündə məsələyə aydınlıq gətirib:

“Səfirliyə əvvəlcədən xəbərdarlıq edilmədən ölüm hökmlərinin icrası qəbuledilməzdir və bu, Konsulluq Münasibətləri Konvensiyası da daxil olmaqla beynəlxalq hüququn normalarını pozur”.

Görüşdə Əl-Ənziyə “İranın etiraz notası” çatdırılıb və Səudiyyə Ərəbistanından bu məsələ ilə bağlı lazımi açıqlama verməsi istənilib.

Roza