Bu universitetlər "ən prestijli" siyahısında gerilədi: İLK DƏFƏ

Böyük Britaniyanın ən qədim universitetləri Oksford və Kembric ilk dəfə olaraq "The Times" və "The Sunday Times" nəşrləri tərəfindən 1993-cü ildən bəri tərtib edilən "Yaxşı Universitet Bələdçisi"nin ilk üçlüyünə düşə bilməyiblər.

Publika.az xəbər verir ki, bu barədə "The Times" qəzeti məlumat yayıb.

Bildirilir ki, London İqtisadiyyat Məktəbi (LSE) artıq ikinci ildir ki, Böyük Britaniyanın ən yaxşı universitetləri siyahısına başçılıq edir. Onun ardınca Şotlandiyanın ən qədim Sent-Endryus Universiteti və keçən il beşinci yerdən üçüncü yerə yüksələn Durham Universiteti gəlir. Birlikdə Oksbridc kimi tanınan Oksford və Kembric dördüncü yeri bölüşürlər.

"Bələdçi"nin müəlliflərinin fikrincə, Durham Universiteti tədris və tədqiqat, tələbə məmnuniyyəti və məzunların nəticələri baxımından bir çox həmyaşıdlarını üstələyib. Məzunların işə qəbulu baxımından universitet London İmperial Kollecindən (6-cı) sonra ikinci yerdədir.

"The Times" və "The Sunday Times" "bələdçi"sinin redaktoru Helen Davisə görə, Durham bir il ərzində yüksək rəqabətli ilk on universitetdə iki pillə irəlilədi ki, bu da əhəmiyyətli bir nailiyyətdir. Onun mövqeyi tədris keyfiyyətinin yüksəldilməsi və tələbə şəraitinin yaxşılaşdırılması hesabına möhkəmlənib.

Adəm