Bu ölkənin Sülh Şurasına qoşulmağa pulu çatmır
Bizi izləyin
Aptekonline

Dünya

Bu ölkənin Sülh Şurasına qoşulmağa pulu çatmır

Polşa Sülh Şurasına qoşulmaq üçün 1 milyard dollar ayırmağı planlaşdırmır.

Publika.az xəbər verir ki, bu barədə "Rzeczpospolita" qəzetinə Polşanın maliyyə naziri Anjey Domanski danışıb. O, dövlət büdcəsində belə vəsaitin olmadığını vurğulayıb.

Nazirin sözlərinə görə, istənilən beynəlxalq müqavilədən əvvəl Nazirlər Şurasının qətnaməsi olmalıdır, hazırda isə bu qətnamə mövcud deyil. Domanski deyib ki, Polşanın indi bu strukturda iştirakdan daha çox maliyyələşdirmə tələb edən daha təcili problemləri var.

"Biz ətraflı təhlil edilməli olan çox ciddi hüquqi öhdəliklərdən danışırıq. Və açıq desək, bunun üçün büdcədə mütləq bir milyard dollar yoxdur", - deyə o əlavə edib.

Ağ Evin mətbuat xidməti Donald Trampın Sülh Şurasının Nizamnaməsini təsdiqlədiyi haqda məlumat yayıb. Artıq o, rəsmi beynəlxalq təşkilatdır və Tramp Şuranın sədri vəzifəsinin icrasına başlayıb.

Adəm

Oxumağa davam et
Reklam
Reklam

Gündəm

Aptekonline