Dünya

Rusiyada un və çörək bahalaşacaq

20 Yanvar 2015 05:39

Yaxın zamanlarda Rusiyada un və çörəyin qiyməti artmaqda davam edəcək.

Publika.az-ın məlumatına görə, bunu Rusiya Baş nazirinin müavini Arkadi Dvorkoviç Dövlət Dumasında "Yedinaya Rossiya" fraksiyasının iclasında çıxışı zamanı bildirib. Onun sözlərinə görə, fevral ayından taxılın ixracına rüsum qoyulsa da, bahalaşma yaxın aylarda davam edəcək.

"Rüsüm yeridiləndən sonra taxıl ucuzlaşmağa başlayıb, buna baxmayaraq, yaxın aylarda çörək və unun bahalaşması tendensiyası davam edəcək", - Dvorkoviç deyib.

Baş nazirin müavini bildirib ki, hökümət hələlik qiymət tənzimlənməsini tətbiq etməsə də, qiymət artımının uzun müddət davam edəcəyi və 30 faizə çatacağı halda, bu variant istisna olunmur.

Dvorkoviçə görə qiymət tənzimlənməsi ərzaq çatışmazlığına gətirib çıxara bilər.

Arkadi Dvorkoviç bildirib ki, bundan əvvəl, qarabaşaq yarmasına qiymətin dondurulması bu məhsulun qıtlığı ilə nəticələndi.