BMT: Yəmən uçurumun kənarındadır

Yəmən uçurumun bir addımlığındadır.

Publika.az xəbər verir ki, bu barədə BMT-nin baş katibi Ban Gi Mun deyib. O deyib ki, ağırlaşmaqda olan böhranı kənardan izləmək olmaz. O, Yəməni təcili şəkildə hökumətin təşkilinə çağırıb.

Baş katib beynəlxalq ictimaiyyətin qarışmadığı təqdirdə siyasi, humanitar və təhlükəsizlik böhranı yaşanan bu ölkədə vəziyyətin daha da kəskinləşəcəyi barədə xəbərdarlıq edib.

İranın dəstəklədiyi şiə müsəlman qrupu Husilərin ölkədə yaratdığı xaos dərinləşməkdədir. Qrupun döyüşçüləri çənub ərazilərinə doğru irəliləyir. Sentyabr ayında hutilər paytaxtı ələ keçirib. Hazırkı durum ABŞ, Britaniya və Fransanı o ölkədəki səfirliklərini bağlamağa vadar edib

BMT-nin Yəmən üzrə xüsusi nümayəndəsi Camal Benomar ölkədəki keçid prosesinə yardım etməyə çalışır. O, Yəməndə vətəndaş müharibəsi riskinin yüksək olduğunu bildirir.

Benomar qeyri-sabitliyin Ərərbistan yarımadasında Əl-Qaidənin mənafeyinə xidmət edə biləcəyini deyib.

BMT əhalisinin 60 faizinin ehtiyac içərisində olan Yəmənə 750 milyon dollarlıq humanitar yardıma ehtiyac olduğunu bəyan edib.