Dünya
Korrupsiya bataqlığı: Hər il 323 milyard avronu kimlər yeyir? – ŞOK FAKTLAR
“Avropa strukturlarında korrupsiya ağlasığmaz miqyas alıb. Əgər əvvəllər Avropa fondlarından illik oğurluq yüz milyonlarla avro təşkil edirdisə, indi bu, milyardlarla ölçülür”.
Publika.az xəbər verir ki, Avropa İttifaqının antikorrupsiya
agentliyinin (OLAF) apardığı təhqiqatın nəticələrində belə
deyilir.
Tədqiqatda deyilir ki, Avropa Birliyi ölkələri hər il korrupsiyaya
görə 323 milyard avro itirir. Bu, təşkilatın 2014-2020-ci illəri
əhatə edən 7 illik büdcəsinin üçdə birini təşkil edir.
OLAF və Avropa Komissiyasının baş ədliyyə direktorunun birgə
hazırladıqları hesabatda şok faktlar üzə çıxıb.
Hesabata görə, AB ölkələrinin polis və prokurorluq orqanları
tərəfindən 2013-cü ildə xidməti vəzifədən sui-istifadə və rüşvət
maddələri ilə 67 800 cinayət işi açılıb. Bu, Avropa Birliyinin
tarixində ən rekord göstəricidir. Baş ədliyyə direktoru Fransua Le
Bay Avropa Parlamentində çıxışında belə deyib: “Söhbətin
milyonlardan deyil, milyardlardan getdiyini söyləməyə hər cür əsas
var. Bu, həm də yalnız aysberqin görünən tərəfidir. Daha böyük
rəqəmlər əldə edəcəyik. Bu, hələ başlanğıcdır”.
Avropa Komissiyası da rəsmi olaraq etiraf edib ki, Avropa
strukturlarındakı korrupsiya halları lazımsız layihələrə silinən
maliyyə vəsaitlərindən formalaşır.
OLAF rəhbəri Covanni Kessler isə bildirib ki, Avropanın ayrı-ayrı
ölkələrində eyni vaxtda baş verən korrupsiya, dələduzluq və digər
cinayətlər bir çox hallarda hüquq-mühafizə orqanlarının diqqətindən
kənarda qalır: “Çünki bu cinayətlərə milli dövlətlərin
səlahiyyətləri çərçivəsində baxılır. Ona görə də korrupsiya ilə
ümumavropa səviyyəsində mübarizə aparmaq, belə cinayətlərin
araşdırılması üçün xüsusi büro yaratmaq lazımdır”.
Avropalı ekspertlərin qənaətinə görə, korrupsiya artıq bütün
Avropa ölkələrinin xarakterik xüsusiyyətinə çevrilir.
Asif Nərimanlı
-
Cənubi Qafqaz11:25
Ermənistan parlamenti Azərbaycan əleyhinə sənəddən imtina etdi
-
Nida Xəbər 11:10
Bu xanıma yüksək vəzifə verildi - FOTO
-
Nida Xəbər 10:50
Qazaxla sərhəd kəndin sakinləri şoka düşüblər: Paşinyanla görüşdə onlara nə deyiblər?
-
İqtisadi gündəm10:26
Rubl və avro ucuzlaşaraq görün neçəyə oldu
-
Hadisə09:50
Bakının mərkəzində sürət yarışı: 10-a yaxın maşın əzildi - Video
-
Sosial09:14
Keçmiş daxili işlər naziri saxlanıldı
-
Sosial08:37
Dələduzlar yeni yola əl atdılar: “Cərimən varsa...” - VİDEO
-
Nəqliyyat08:30
Bakıda sıxlıq olan yollar - SİYAHI