• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Gürcüstanın baş naziri Azərbaycan yanğınsöndürənləri ilə görüşüdü - FOTO

Gürcüstanın baş naziri Azərbaycan yanğınsöndürənləri ilə görüşüdü

Gürcüstanın baş naziri Giorgi Kvirikaşvili Borjomi-Xaraqulsk qoruğunda yanğınların söndürülməsində iştirak edən Azərbaycan Fövqəladə Hallar Nazirliyinin (FHN) yanğınsöndürmə-xilasetmə dəstəsinin şəxsi heyəti ilə görüşüb.

FHN-dən Publika.az-a verilən məlumata görə, Baş nazir fəlakətlə mübarizədə Gürcüstana göstərdiyi köməyə görə Azərbaycan prezidenti, hökuməti və xalqına minnətdarlığını bildirib. Görüşdə FHN-in heyətinə təşəkkür edən G.Kvirikaşvili Azərbaycanın təbii fəlakət zonasına helikopter göndərən ilk dövlət olduğunu və bunu yüksək qiymətləndirdiklərini ifadə edib.

Qeyd edək ki, Gürcüstan hökumətinin müraciətinə əsasən, Azərbaycan prezidenti İlham Əliyevin tapşırığı ilə Borjomi-Xaraqulsk qoruğunda baş vermiş meşə yanğınlarının söndürülməsinə FHN-nin 22 texnikası, o cümlədən 1 helikopteri və 131 nəfər canlı qüvvəsi, Dövlət Sərhəd Xidmətinin 2 helikopteri və 6 nəfər ekipaj heyəti cəlb edilib.

FHN-nin Dövlət Yanğından Mühafizə Xidməti, Xüsusi Riskli Xilasetmə Xidməti, Mülki Mudafiə Qoşunları və Aviasiya dəstəsinin müvafiq yanğınsöndürmə texnika və şəxsi heyətindən ibarət yanğınsöndürmə-xilasetmə dəstəsi onlara həvalə olunmuş ərazilərdəki yanğın ocaqlarının söndürülməsini uğurla davam etdirir.

Загрузка...

Xəbər lenti

DAHA ÇOX XƏBƏR