Elm və təhsil
Tələbələrin qovulması xəbərinə universitetdən REAKSİYA
Heç bir aksiya olmayıb, heç kimə töhmət, şiddətli töhmət verilməyib, heç kim də universitetdən qovulmayıb.
Publika.az xəbər verir ki, bu sözləri Azərbaycan Dillər Universitetinin mətbuat xidmətinin rəhbəri Ağa Cəfərli universitet tələbələrinin aksiya keçirməsindən sonra universitetdən qovulub, töhmət almamaları ilə bağlı yayılan xəbərə münasibət bildirərkən deyib.
O bildirib ki, rektorun tələbələrlə görüşünün məqsədi problemlərini dinləmək idi:
“Azərbaycan Dillər Universitetinin rektoru Kamal Abdulla dünən tələbələrlə görüşdü. Mən də həmin görüşdə idim. Tələbələr onları narahat edən məsələlərdən danışdılar, Kamal müəllim də səbrlə tələbələri dinlədi, bəzi məsələləri yerindəcə həll elədi, bəzi məsələlərin də yaxın günlərdə həll olunacağını bildirdi. Tələbələr akt zalını böyük ruh yüksəkliyi ilə tərk etdilər. İndi isə mətbuat dezinformasiya yayır ki, aksiya olub, kimlərəsə töhmət, şiddətli töhmət verilib, kimlərsə universitetdən qovulub. Belə ağ yalanı yazmağa vicdanınız necə yol verir, əliniz necə gəlir? Ayıbdır axı. Yeri gəlmişkən xatırladım ki, universitetdən qovulma bir gün içində baş verəcək proses deyil. Araşdırma aparılmalı, təqdimat yazılmalı və rektorun əmri olmalıdır”.
Qeyd edək ki, BakuPost.az saytının xəbərinə görə, sentyabrın 22-də universitetin Təbriz küçəsində yerləşən korpusunda Təhsil fakültəsinin tələbələri aksiyaya keçiriblər. Onlar korpusdakı tələbə sıxlığına etirazlarını bildiriblər. Fakültənin dekanı Fikrət Cahangirov tələbələrin qarşısına çıxıb, onlardan aksiyanı dayandırmağı istəyib və istəklərinin dinləniləcəyini qeyd edib. Lakin bazar ertəsi universitetə qayıdan tələbələr "sürpriz”lə qarşılaşıb. Belə ki, universitet rəhbərliyi aksiyanın təşkilatçılarını və onlara yardım edənlərin kimliyini araşdırıb. Rektor Kamal Abdulla həmin tələbələri əsas korpusda qəbul edib. Aksiyanın əsas 4 təşkilatçısına universitetdən qovulduqları bildirilib. Bundan əlavə, 8 tələbəyə şiddətli töhmət, digərlərinə isə töhmət verilib.
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi