Elm və təhsil
Tanınmış türkoloq vəfat etdi - Foto

Bakı Dövlət Universitetinin (BDU) Filologiya fakültəsinin Türkologiya kafedrasının dosenti Gülxanım Vəliyeva vəfat edib.
Publika.az xəbər verir ki, bu barədə BDU məlumat yayıb.
Gülxanım Vəliyeva 1944-cü il oktyabrın 7-də Bakı şəhərində anadan olub. 1953-1963-cü illərdə Bakı şəhəri 125 saylı orta məktəbdə, 1963-1968-ci illərdə BDU-nun Filologiya fakültəsində təhsil alıb. 1970-ci ildən BDU-da çalışır. 1984-cü ildə “Azərbaycan dili Şərqi Abşeron şivələrinin leksikası” mövzusunda dissertasiya müdafiə edib və filologiya üzrə fəlsəfə doktoru elmi dərəcəsi alıb.
1990-cı ildə dosent elmi adını alan Gülxanım Vəliyeva 1968-1970-ci illərdə Azərbaycan Milli Elmlər Akademiyasının Nəsimi adına Dilçilik İnstitutunda kiçik elmi işçi, 1970-1983-cü illərdə BDU-nun Türkologiya kafedrasında baş laborant, 1984-1990-cı illərdə Türkologiya kafedrasında baş müəllim, 1990-cı ildən həmin kafedranın dosenti kimi fəaliyyət göstərib. Gülxanım Vəliyeva həmçinin, 1985-1990-cı illərdə Filologiya fakültəsinin Həmkarlar İttifaqının sədri, 2000-2001-ci illərdə Bakı Qızlar Universitetində elmi işlər üzrə prorektor, 2008-2011-ci illərdə Azərbaycan Respublikasının Prezidenti yanında Ali Attestasiya Komissiyasının Filologiya elmləri üzrə Ekspert Şurasının elmi katibi vəzifələrində çalışıb.
Gülxanım Vəliyevanın əsas tədqiqat sahəsi türkologiya və Azərbaycan dialektologiyası olub. O, 5 dərs vəsaiti, 4 metodik göstəriş və proqram, 40-a yaxın elmi məqalənin müəllifi idi.
BDU rəhbərliyi və kollektivi dosent Gülxanım Vəliyevanın vəfatından kədərləndiyini bildirir, ailəsinə dərin hüznlə başsağlığı verir.
Allah rəhmət eləsin!


-
Sosial09:50
DİN-dən yeni dələduzluq növü ilə bağlı XƏBƏRDARLIQ
-
Nida Xəbər 09:40
Hərbi hissələrdə görüşə müvəqqəti məhdudiyyət qoyuldu - SƏBƏB
-
Ekologiya09:25
Bu rayona 79 sm qar yağdı - Faktiki hava
-
Nəqliyyat09:20
Azərbaycanda dəmir yolu marşrutları üzrə sürət həddi endirildi
-
Magazin108:55
Elnur oğluna dəbdəbəli ad günü etdi: məşhurlar axışdı - VİDEO
-
Dünya08:40
Antalyada 28 yaşlı qadın selfi çəkərkən uçurumdan yıxıldı - Video
-
Dünya08:25
Alyaskada itən təyyarə tapıldı: bütün sərnişinlər ölüb
-
Magazin206:46
Ən yaraşıqlı "mafiya başçısı" - Foto