Elm və təhsil

Ankarada “Əkinçi” intellektual yarışı keçirildi - Foto

21 Aprel 2025 22:14

Azərbaycan Türkiyə Tələbə Birliyinin (ATTB) təşkilatçılığı, "Xəzər" İntellektual Gənclər Klubu və "Azerbaijan Youth Network"ün tərəfdaşlığı ilə Ankarada Azərbaycan Milli Mətbuatının 150 illiyinə həsr olunmuş "Əkinçi" intellektual yarışı baş tutub.

Publika.az xəbər verir ki, "Molla Nəsrəddin", "Füyuzat", "İstiqlal", "İrşad" və "Əkinçi" komandalarının iştirak etdiyi yarışda iştirakçılar Azərbaycanın tarixi, mədəniyyəti, coğrafiyası və təhsilinə dair sualları cavablandırmağa çalışıblar.

3 mərhələli intellektual yarışın yekun nəticəsinə əsasən, Türkiyədə təhsil alan tələbələr Cavid Zeynalov, Rasim Həsənzadə, Tuqay Əsədli və Xəlil Quliyevin təmsil olunduğu “Molla Nəsrəddin” komandası yarışmanın qalibi olub.

Yarışın keçirilməsində məqsəd gənclərin intellektual səviyyəsinin inkişaf etdirilməsinə, o cümlədən, tariximiz və milli-mənəvi dəyərlərimiz haqqında biliklərinin genişləndirilməsinə imkan yaratmaq, asudə vaxtlarının səmərəli keçməsinə nail olmaqdır.