Vətən müharibəsi iştirakçısı sertifikasiyada maksimum bal topladı

Dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsində Rəvan İmanov maksimum nəticə - 60 bal toplayıb.

Publika.az xəbər verir ki, o, Cəlilabad şəhəri Şah İsmayıl Xətai adına 4 nömrəli tam orta məktəbin coğrafiya müəllimidir.

R.İmanov Cəlilabad rayonunda anadan olub. Ali təhsilini Azərbaycan Dövlət Pedaqoji Universitetində alıb.

Qeyd edək ki, test imtahanı mərhələsi 18-20, 24 və 25 iyun tarixlərində Naxçıvan şəhəri də daxil olmaqla, ölkənin 19 müxtəlif şəhəri üzrə 39 imtahan mərkəzində təşkil edilir.

Rəvan İmanov Cəlilabad rayonunun Hacıcavad kəndində andan olub. O, Azərbaycan Dövlət Pedaqoji Universitetində ali təhsil alıb. R.İmanov Vətən müharibəsinə könüllü olaraq qoşulub və döyüşlərdə xüsusi fəallıq göstərib. O, bu xidmətlərinə görə "Füzulinin azad olunmasına görə", "Cəbrayılın azad olunmasına görə", "Şuşanın azad olunmasına görə" və "Vətən müharibəsi iştirakçısı" medallarına layiq görülüb. 2020-ci ildə MİQ imtahanlarında 56 bal toplayaraq, hazırda çalışdığı məktəbə coğrafiya müəllimi təyin olunub.