Kosmik çöküş başladı, kainatın sonu gəlir: Hər şey əriyib yox olacaq - Tarix açıqlandı

Alimlər ilk dəfə olaraq kosmosun çökəcəyi tarixi hesablayıblar. Onların sözlərinə görə, kainatın sonu düşündüyümüzdən daha fərqli və qaçılmazdır.

Publika.az xəbər verir ki, Kornell Universitetindən professor Henri Tye və onun komandasının apardığı tədqiqat kainatın gələcəyi ilə bağlı qorxulu ssenarini ortaya qoyub.

Tədqiqata görə, 13,8 milyard il əvvəl Böyük Partlayış ilə genişlənməyə başlayan kainat artıq yeni bir hadisəyə qədəm qoyur. Mütəxəssislər bildirirlər ki, bu genişlənməni təmin edən qaranlıq enerji getdikcə güc itirir. Bu da "Böyük Böhran" adlanan əks prosesin başlamasına səbəb olacaq və kainat öz içində çökəcək.

Alimlərin hesablamalarına görə, əvvəlcə qalaktikalar sürətlə bir-birinə yaxınlaşacaq, sonra temperatur yüksəlməyə başlayacaq, planetlər və ulduzlar əriyib yox olacaq.

Komanda bu prosesin təxminən 11 milyard il sonra başlayacağını, ardınca isə 8,5 milyard il davam edən çökmə mərhələsinin olacağını hesablayıb. Bu, kainatın ümumi ömrünün təxminən 33,3 milyard il olacağı deməkdir.

Bəşəriyyət olaraq biz bu kosmik fəlakətdən hələ çox uzaqdayıq, lakin bu nəticələr kainatın sonsuz olmadığı və qaranlıq enerji tarazlığının dəyişdiyi reallığını ortaya qoyur.

Roza