Tikintidə inqilab: Bu türk dövlətində kəşf edildi - Süfrələrin bəzəyi divara hörüləcək - FOTO

Ənənəvi tikinti materiallarına qeyri-adi alternativ gəlir. Belə ki, qırğızıstanlı Nursultan Taabaldiyev unikal təklif irəli sürüb. O, düyü qabığından tikinti blokları istehsal etmək texnologiyasını təklif edib.

Publika.az xəbər verir ki, bu barədə "Tekhkult" məlumat yayıb.

Bildiriir ki, blokların tərkibinin 60%-i düyü qabığı, qalan 40%-i isə kimyəvi qatqılar olmayan gil, sement və yapışqandır. Əslində, bu ekoloji cəhətdən təmiz, ideal tikinti materialıdır. Nursultan deyib ki, bu ideya onda uşaqlıqdan formalaşıb.

Qeyd edək ki, düyü qabığında olan silisium sayəsində belə blokların beton kimi möhkəm olması bildirilir. Beş il ərzində Qırğızıstanda 300-dən çox ev tikilib. Düyü bloklarından tikilmiş evlər qışda istiliyi, yayda isə sərinliyi yaxşı saxlayır, yanğın təhlükəsi yaratmır.

Qeyri-adi tikinti materialı ucuz və ekoloji cəhətdən təmiz düyü bloklarının böyük potensialını təsdiqləyən bir sıra ölkələrdə mütəxəssislərin diqqətini çəkib. Əsas üstünlüklərdən biri sementin aşağı tərkibidir ki, onun istehsalı, 2023-cü il üçün Dünya İqtisadi Forumunun məlumatına görə, planetar CO2 emissiyalarının 8%-ə qədərini təşkil edir.

Düyü bloklarının istehsalı daha bir vacib problemi - əvvəllər atılan, ətraf mühitə zərər verən düyü tullantılarının utilizasiyasını həll edir. Yeri gəlmişkən, oxşar problem bütün düyü istehsal edən ölkələrdə mövcuddur. Təkcə Hindistanda 32 milyon ton düyü tullantıları poliqonlarda çürüyür.

Adəm