Alimlər nəhəng virus tapdılar: Görün quyruğu nə boydadır

Alimlər dəniz planktonunu yoluxduran nəhəng virus aşkar ediblər.

Publika.az xəbər verir ki, "BioRxiv" portalında dərc edilən araşdırmaya görə, onun uzunluğu 2,3 mikrometrə çatan ən uzun viral əlavələrə malikdir.

"PelV-1" adlı yeni virus Sakit okeanın şimalındakı subtropik girdabda tapılıb. Virusun nəhəng kapsidi və iki unikal quruluşu var: uzunluğu iki mikrometrdən çox olan nazik, çevik “quyruq” və qarşı tərəfdə qısa, qalın əlavə.

Virus genomu 459 min baza cütündən ibarətdir və onlarla qeyri-adi genləri ehtiva edir. Onların arasında Krebs dövrü üçün fermentlər, işığa həssas zülallar və rhodopsin, aquaporinlər və fotosintezlə əlaqəli genlər var. Bu xüsusiyyətlər virusa enerji prosesləri də daxil olmaqla ev sahibi hüceyrənin metabolizmasını dəyişməyə imkan verir.

Alimlər həmçinin "co-PelV" adlı ikinci, daha az yayılmış virusu da kəşf ediblər. Onun genomu 504.000 baza cütündən ibarətdir. Hər iki virus Mesomimiviridae ailəsinə aiddir. Onlar dəniz qida zəncirlərinin əsasını təşkil edən fitoplanktonu yoluxdururlar. Bildirilir ki,, bunlar nadir viruslardır və onların öyrənilməsi virusların okean məhsuldarlığına, qlobal biokimyəvi dövrələrə və iqlimə necə təsir etdiyini daha yaxşı anlamağa kömək edir.

Adəm