NASA alimləri dəqiq hesablama apardılar: Yerdəki həyat bu tarixdə bitəcək

Təxminən bir milyard ildən sonra (1.000.002.021 ilə) Yer yaşayış üçün yararsız hala düşə bilər.

Publika.az xəbər verir ki, NASA ilə işləyən bir qrup yapon alimi planetdəki bütün həyatın sonuna nə qədər vaxt qaldığına dair hesablamalarını paylaşıb.

Onlar Günəşin parlaqlığının və temperaturunun tədricən artacağını, okeanların buxarlanmasına və Yer atmosferinin məhvinə səbəb olacağını proqnozlaşdırırlar.

Tədqiqatçıların fikrincə, həddindən artıq günəş aktivliyinin dağıdıcı təsiri planetdə özünü tez göstərə bilər. Ekstremal günəş fırtınaları atmosferin tərkibində dramatik dəyişikliklərə, o cümlədən oksigen səviyyəsinin azalmasına səbəb ola və Yer səthini faktiki olaraq cansız edə bilər.

Bu problemin həlli yollarından biri avtonom, qapalı ekosistemlərin yaradılması və Günəş sistemindən kənarda yaşayış üçün əlverişli planetlərin axtarışı ola bilər. NASA mütəxəssisləri hesab edirlər ki, texnoloji tərəqqi Günəşdən qorunmanı təmin edəcək və Yerdəki həyatın sonunu gecikdirəcək.

Adəm