Yerə yaxınlaşır: Sabah bu şəxslər diqqətli olsunlar - Xəbərdarlıq edildi

Xəbər verdiyimiz kimi, yanvarın 20-də G3–G4 səviyyələrində güclü geomaqnit qasırğası gözlənilir. Beş ballıq şkala üzrə bu fırtınalar “güclü” və “çox güclü” kateqoriyasına aiddir.

Publika.az xəbər verir ki, bu barədə Rusiya Günəş Astronomiya Laboratoriyası məlumat yayıb.

Laboratoriyanın bildirdiyinə görə, son günlərdə Günəşdən ayrılan frontal tac kütlə atılması (CME) Yerə doğru hərəkət edir və yanvarın 20-də Yerə çatacağı gözlənilir. Hazırda Günəşdə aktiv bölgələr qismən görünür. Plazma buludunun sürəti və sıxlığı dəqiqləşdikdən sonra fırtınanın gücü və müddəti ilə bağlı daha konkret proqnoz veriləcək.

Maqnit qasırğalarının təsiri

Günəşin bütün partlayışları təhlükəli deyil. Yalnız Yerə çatan güclü tac kütləsi geomaqnit qasırğalarına səbəb ola bilər.

Laboratoriyanın əməkdaşı Natan Eysmont prosesi belə izah edib: "Günəşdə bəzi hadisələr, məsələn, güclü alov püskürmələri və plazma yığınları Yerə çatsa, maqnit qasırğalarının yaranmasına səbəb olur. Əgər kifayət qədər güclüdürsə, bu təsir hiss edilə bilər".

O bildirib ki, maqnit qasırğaları bəzi insanlar, xüsusilə meteohəssas şəxslər üçün rifah problemlərinə yol aça bilər. Belə şəxslər baş ağrısı, qan təzyiqinin yüksəlməsi və yuxu pozğunluqları ilə üzləşə bilərlər. Lakin əksər sağlam insanlar üçün bu fırtınalar ciddi təsir yaratmır.

G3-G4 səviyyəli fırtınaların mümkün təsirləri:

Yüksək enliklərdə radio rabitəsinə müdaxilə;

Enerji sistemlərində gərginlik dəyişiklikləri;

Peyklərdə və naviqasiyada nasazlıqlar;

Orta enliklərdə də görünə bilən parlaq qütb işıqları.

Astronavtlara və uzaq məsafəyə uçan sərnişinlərə uçuşlardan ehtiyatla istifadə etmələri tövsiyə olunur.

Natan Eysmont vurğulayıb ki, bu qasırğalar meteohəssas şəxslərin rifahına təsir edə bilər, həmçinin rabitə və enerji sistemlərində müdaxilələrə səbəb ola bilər, lakin əksər insanlar üçün ciddi təhlükə yaratmır.

Adəm