"Ümid var" xəbəri yayıldı, neft ucuzlaşdı
Bizi izləyin

Enerji

"Ümid var" xəbəri yayıldı, neft ucuzlaşdı

"Ümid var" xəbəri yayıldı, neft ucuzlaşdı

ABŞ və İran arasında sülh danışıqlarının davam etdirilməsi ilə bağlı ümidlərin artması fonunda dünya bazarlarında neftin qiyməti aşağı düşüb.

Publika.az xəbər verir ki, bu barədə BBC məlumat yayıb.

Bildirilib ki, Asiya sessiyasının əvvəlində qlobal etalon sayılan “Brent” markalı xam neftin qiyməti 2,2 faiz azalaraq bir barel üçün 97,20 dollara enib. ABŞ-da ticarət edilən WTI markalı neft də eyni həcmdə ucuzlaşaraq təxminən 96,90 dollar olub.

Eyni zamanda, Asiya fond bazarlarında artım qeydə alınıb. Yaponiyanın "Nikkei" 225 indeksi 2,4 faiz, Cənubi Koreyanın "Kospi" indeksi isə 3 faizdən çox yüksəlib.

Xatırladaq ki, həftəsonu İran və ABŞ arasında baş tutan danışıqların nəticəsiz qalmasından sonra Donald Trampın İrana neft tədarükünün qarşısını almaqla bağlı göstəriş verməsi qiymətlərin 100 dollardan yuxarı qalxmasına səbəb olmuşdu.

Müəllif: Roza

Oxumağa davam et
Reklam
Reklam

Gündəm

Zəfaran Hospital
Səba