Qlobal neft qiymətləri ilə bağlı QORXULU PROQNOZ

Güclü böhran dünya neft qiymətlərinin artmasına səbəb ola bilər.

Publika.az xəbər verir ki, Rusiya Federasiyası hökuməti yanında Maliyyə Universitetinin və Milli Enerji Təhlükəsizliyi Fondunun eksperti İqor Yuşkov öz proqnozlarını NSN jurnalistləri ilə bölüşüb.

Onun sözlərinə görə, dünya neft bazarı kəskin qıtlığın astanasında tarazlıq vəziyyətindədir.

“Mart ayından etibarən Yaxın Şərqdən tam həcmdə neft və neft məhsulları tədarükü yoxdur. Hazırda dünya strateji ehtiyatları xərcləyir. Strateji neft anbarlarında qalan ehtiyatlar 1982-ci il səviyyəsindədir”, - mütəxəssis qeyd edib.

Onun fikrincə, belə vəziyyət bazarda narahatlıq yaradır. Dünya üzrə strateji neft ehtiyatları azaldıqca xammalın qiymətləri artmaqda davam edə bilər. Bununla yanaşı, neft məhsullarının saxlanma müddətinin məhdud olması səbəbindən onlarla bağlı vəziyyət daha da gərgin olaraq qalır.

Yəmənin “Ənsar Allah” hərəkatının husilərinin Səudiyyə Ərəbistanının “Şərq-Qərb” neft kəmərinə hücumu da dünya bazarındakı vəziyyəti çətinləşdirə bilər. Kəmərin fəaliyyətinin bərpası bir neçə həftə gecikərsə, təklif qıtlığı daha da güclənə bilər. Yuşkov əmindir ki, belə halda neftin qiyməti bir barel üçün 120–130 dollara qədər yüksələ bilər.

Hüseyn İbadlı