Kafelər və çatdırılma xidmətləri kütləvi şəkildə bağlanır: Bu səbəbdən

Kiçik kafelərin və çatdırılma xidmətlərinin kütləvi şəkildə bağlanması kirayə haqqı və vergilərlə deyil, istehlakçı tələbatının kəskin azalması ilə bağlıdır.

Publika.az "Riamo.ru"ya istinadən xəbər verir ki, bunu ekspert Aleksey Nejivoy bildirib.

O qeyd edib ki, Rusiya Mərkəzi Bankı istehlak tələbinin azalmasını "iqtisadiyyatın soyudulması" (inflyasiyanı cilovlamaq və iqtisadiyyatın "partlamasının" qarşısını almaq) adlandırır, amma əslində hipotermiya artıq baş verib.

Nejivoyun sözlərinə görə, bu vəziyyətdə istehlakçıların reaksiyası göz qabağındadır. İnsanlar pullarını gələcək üçün yığır, hər şeyə qənaət etməyə başlayır və büdcələrindən hər hansı əlavə xərcləri, o cümlədən hazır qidalara olan xərcləri çıxarmağa çalışırlar. Nəşrin müsahibi deyib ki, hətta vəziyyət o yerə çatıb ki, fast food restoranları bağlanmağa başlayıb.

Ekspert bu tendensiyanı narahatedici hesab edir. Nejivoy əlavə edib ki, bu, iqtisadiyyatda pul qıtlığının olduğunu, əmək haqqı borclarının artmağa başladığını göstərir.

Adəm