"Brent" markalı neft dayanmadan bahalaşır - Yeniləndi

"Brent" markalı neftin qiyməti 2022-ci ilin iyunundan bəri ilk dəfə bir barel üçün 119 dolları ötüb.

Publika.az xəbər verir ki, bu, Londonun ICE birjasındakı ticarət məlumatlarından məlum olur.

Bakı vaxtı ilə saat 06:30-a olan məlumata görə, 2026-cı ilin may ayında tədarük ediləcək "Brent" neftinin bir bareli əvvəlki göstərici ilə müqayisədə 28,77% bahalaşaraq 119,36 dollar təşkil edib.

Martın 9-da Amerika Birləşmiş Ştatlarının Prezidenti Donald Tramp baş verən qiymət artımını qısamüddətli adlandırıb və İranın nüvə təhlükəsi zərərsizləşdirildikdən sonra neftin dəyərinin sürətlə düşəcəyinə əminliyini ifadə edib.

Bundan əvvəl ABŞ-ın energetika naziri Kris Rayt bildirmişdi ki, Ağ Ev İrana qarşı hərbi əməliyyat fonunda dünya qiymətlərini stabilləşdirmək üçün strateji neft ehtiyatlarından istifadə imkanlarını nəzərdən keçirir.

xxx

04:44

Londonun ICE birjasında 2026-cı ilin may ayında tədarük ediləcək "Brent" markalı neftin qiyməti təxminən 19% artıb.

Publika.az xəbər verir ki, bu barədə TASS məlumat yayıb.

Bakı vaxtı ilə saat 02:15-ə olan məlumata görə, "Brent" markalı neftin bir barelinin qiyməti 111 dolları keçib və 2022-ci ilin iyulundan bəri ilk dəfə olaraq 111,4 dollar (+19,37%) səviyyəsində ticarət olunub. Saat 02:39-a qədər isə qiymət bir barel üçün 109,01 dollara qədər enib.

Hüseyn İbadlı