Bakıda avtobus yük maşını ilə toqquşdu, xeyli sayda yaralı var (YENİLƏNİB)

Bakı-Qazax yolunun 72-ci km-də, Bakının Qaradağ rayonu ərazisindən keçən hissəsində baş verən avtobus qəzası ilə bağlı yanlış məlumat yayılıb.

Bunu Publika.az-a açıqlamasında Respublika Baş Dövlət Yol Polisi İdarəsinin şöbə müdiri Kamran Əliyev deyib. Onun sözlərinə görə, Gürcüstana gedən sərnişin avtobusunda cəmi 9 nəfər olub: “İlkin məlumatda avtobusda 20 nəfərin olduğu bildirilib. Lakin avtobusda 9 nəfər olub, onlardan cəmi 3-ü xəstəxanaya yerləşdirilib. Xəstəxanaya yerləşdirilənlərdən 2-i Gürcüstan vətəndaşıdır”.

***

Bakıda ağır yol qəzası baş verib.

Hadisə Bakı-Qazax yolunun 72-ci km-də, Bakının Qaradağ rayonu ərazisindən keçən hissəsində qeydə alınıb.

Gürcüstana gedən sərnişin avtobusu “Schacman” markalı yük maşını ilə toqquşub.

Qəza nəticəsində 20-yə yaxın şəxs müxtəlif dərəcəli xəsarətlər alıb. Onlardan 9-u xəstəxanalara yerləşdirilib, digərlərinə isə ilk tibbi yardım göstərildikdən sonra buraxılıblar.

Xəstəxanaya yerləşdirilən şəxslərin hamısı Gürcüstan vətəndaşlarıdır. Həmin şəxslərin adlı siyahısı:

1.Pərvanə Qaradalova 36 yaş

2. Rəfayel Aslanov 52 yaş

3. Mahir Aslanov 22 yaş

4. Kanan Abdullayev 23 yaş

5 Emin Məmmədov 33 yaş

6. Əbülfəz Şəmsiyev 28 yaş

7. Azər Meyxanov 41 yaş

8. Naib İsaqov 22 yaş

9. Ruslan Rəhimov 8 yaş

Faktla əlaqədar Bakı şəhər Dövlət Yol Polis İdarəsində araşdırma aparılır. (apa)

Gülxar