Hadisə

Azərbaycanda qəbiristanlıqdan OĞURLUQ - VİDEO

9 Yanvar 2025 23:36

Göygölün Topalhəsənli kənd qəbiristanlığında tez-tez oğurluq hadisələri baş verir.

Publika.az "Xəzər" TV-yə istinadən məlumat verir ki, bu barədə kənd sakinləri bildirirlər.

Sakinlər deyirlər ki, oğrular indi də qəbirlərin üzərindəki mərmərdən hazırlanmış güldanları oğurlayırlar.

Məsələdən xəbər tutan sakinlər dərhal polisə məlumat veriblər. Ancaq onların nigarançılığı tək bununla da bitmir.

Daxili İşlər Nazirliyinin (DİN) Mətbuat Xidmətinin əməkdaşı Eşqin Qasımov "Xəzər Xəbər"ə bildirib ki, müraciətlərlə bağlı Göygöl Rayon Polis Şöbəsində bir sıra tədbirlər həyata keçirilib. Araşdırmalar zamanı məlum olub ki, rayon sakini, əvvəllər dəfələrlə məhkum olunmuş 37 yaşlı Həsrət Fərəcov 2024 və 2025-ci illər ərzində rayon ərazisindəki bir neçə qəbiristanlıqdan mərmər gülqabılarını oğurlayıb. Həsrət Fərəcov polis əməkdaşları tərəfindən şübhəli şəxs qismində saxlanılıb.

Faktla bağlı araşdırmalar davam etdirilir.

Ətraflı süjetdə: