Hadisə

Ağcabədidə ölülər suyun içində qalıb - VİDEO

3 Dekabr 2015 05:14

Ağcabədi rayonundakı ən iri məzarlıqlardan olan "Üzeyir" qəbiristanlığına tullantıların atılması sakinləri ciddi narahat edir. Onlar deyirlər ki, buraya qəbirlərin üzərindəki əklil və güllərlə yanaşı, digər məişət tullantıları da atılır.

El TV (Region TV) xəbər verir ki, yaranan hal ərazidə sahibsiz itlərin və vəhşi heyvanların çoxalmasına səbəb olur. Bunun nəticəsidir ki, bir neçə məzar yırtıcılar tərəfindən eşilib. Sakinlər bu kimi halların yaranmasının başlıca səbəbini isə oradakı şor kanalının təmizlənməməsində görürlər.

"Qəbir qazılanda su çıxır. Ölülərimiz suyun içindədir. Bizə lazımdır ki, bu, təmizlənsin", - deyə sakin Məzahir Mehdiyevbildirib.

Ağcabədi Rayon Su Meliorasiya İdarəsinin əməkdaşarı isə artıq əraziyə baxış keçiriblər. İdarənin baş mütəxəssisi Eldar Əhmədov qısa müddətdə kanalın təmizlənəcəyini deyib.

Bildirək ki, "Üzeyir" qəbiristanlığı Ağcabədinin həm böyük, eyni zamanda da qədim məzarlığıdır.