Hadisə

FHN "Neft Daşları"ndakı qəza ilə bağlı məlumat yayıb

4 Dekabr 2015 18:49

Fövqəladə Hallar Nazirliyi (FHN) "Neft Daşları"ndakı qəza ilə bağlı məlumat yayıb.

Nazirlikdən Publika.az-a verilən məlumata görə, dekabrın 4-də saat 12:30 radələrində Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, “Neft Daşları” NQÇİ-nin 501 nömrəli özülündə güclü dalğalar estakada döşəməsini üstündəki yaşayış köşkü ilə birlikdə dənizə uçurub. Hadisə baş verərkən NQÇİ-nin 3 neftçisi köşkdə olub.

Dərhal axtarış-xilasetmə əməliyyatına başlanılıb, hadisə rayonuna FHN-in 1 helikopteri və “Vixr-5” yanğınsöndürən gəmisi cəlb edilib.

Hazırda itkin düşən neftçilərin axtarışı SOCAR-ın əraziyə cəlb edilmiş gəmiləri ilə birgə davam etdirilir. Əlavə məlumat veriləcək.

Gülnar Əliyeva