• USD 1,7000 0,00% EUR 1,8823 -0,03%
    • GBP 2,1950 -0,31% RUB 0,0266 0,00%

Sevinc Babayevanın oğlu arvadını bıçaqlayıb - YENİLƏNİB

  • Hadisə
  • 5 Fevral 2016 01:05
  • 1 738 Baxış
Sevinc Babayevanın oğlu arvadını bıçaqlayıb - YENİLƏNİB

Bakının Binəqədi rayonunda keçmiş məhkum arvadını bıçaqlayıb. "Report" xəbər verir ki, Binəqədi qəsəbəsi 1-ci mədən, korpus 30-da yaşayan, əvvəllər məhkum olunmuş, 1989-cu il təvəllüdlü Ayxan Məmmədov evinin həyətində arvadı Günay Məmmədovanın baş, sinə və kürək nahiyələrindən bir neçə bıçaq zərbəsi vurub. G.Məmmədova Kliniki Tibbi Mərkəzə yerləşdirilib, vəziyyəti qənaətbəxşdir.

İlkin ehtimala görə, hadisə qısqanclıq zəminində baş verib. A.Məmmədovun tutulması üçün axtarış tədbirləri davam etdirilir.

A.Məmmədov Azərbaycan Beynəlxalq Universitetinin (ABU) sabiq rektoru Elşad Abdullayevin yaydığı videolarda keçmiş deputat Gülər Əhmədova ilə onun arasında vasitəçi kimi iştirak edən Sevinc Babayevanın oğludur. S.Babayeva "İnterpol" xəttiylə axtarışa verilib. O, axtarışda olduğu vaxt Türkiyənin İstanbul şəhərində fəaliyyət göstərən hospitallardan birində ürək xəstəliyindən vəfat edib.

Binəqədi Rayon Polis İdarəsindən APA-ya verilən məlumata görə, A.Məmmədov artıq həbs edilib.

Xəbər lenti

DAHA ÇOX XƏBƏR