Belçika çempionatının son turunda Jan-Fransua Jiye adlı qapıçı diqqət mərkəzinə düşüb.
Publika.az xəbər verir ki, “Anderlext”lə oyunda “Mexelen”in qolkiperi 3 penalti zərbəsini dəf etməklə komandasının 1 xal qazanmasında müstəsna pay sahibi olub.
36 yaşlı təcrübəli qapıçı 7, 14 və 89-cu dəqiqələrdə keçilməz olub. Oyun 1:1 hesabıyla başa çatıb. 55-ci dəqiqədə Okaka komandasını hesabda irəli çıxarıb. Qonaqların uzatma dəqiqələrində vurduğu bərabərlik qolu isə meydan sahiblərini şoka salıb.
Görünür, “Anderlext” hələ də Bakıda “Qarabağ”a məğlubiyyətin şokundan ayılmayıb.
