Avropa Liqasında növbəti oyununa 3 gün sonra çıxacaq “Qarabağ” sabah Monakoya yola düşəcək.
Publika.az xəbər verir ki, “Köhlən atlar” Bakı-Nitsa reysiylə hərəkət edəcək. Nitsa şəhərindən Monakoya yollanacaq Ağdam klubu ölkəni tərk etməzdən öncə Bakıda son məşqini keçirəcək. Uçuş saat 18:00-a nəzərdə tutulub.
Oktyabrın 22-də "Lui II" stadionunda keçiriləcək "Monako" - "Qarabağ" oyunu Bakı vaxtı ilə saat 22:00-da başlayacaq.
